Video
Read full review
2016-09-28
11847 views
話說友人係外地番黎，一直想試下香港呢幾年好流行的韓國菜到底有幾好食，所以就帶左友人去尖沙咀韓國街一帶去食個晚飯。行下行下見到呢間野叫「達人包車」個名幾得意，而且門面係半開放式，環境幾靚，所以就排隊試下呢間野。一坐低就送左幾碟韓國小菜比我地食坐先，基本野，味道不過不失。服務員有唔少係韓國人，已經係韓國街的其中一個特色。見到每一張台上面都插左一枝幾呎長既鐵叉，一問就知道呢度好出名一條3呎長既串燒。不過我地想試下食其他野，所以就冇叫到。叫左一個燒蛋卷，味道同日本玉子燒有D唔同，唔係用高湯去煮而用左味粉，加上茄汁添味，味道算唔錯。同朋友想飲杯野，本身想叫一杯杯燒酒，但見到呢度有西瓜燒酒同蜜瓜燒酒，所以決定3個人試個蜜瓜燒酒。成個蜜瓜大大個，有好多蜜瓜肉甜甜地，所以加埋燒酒飲都唔算辣口，可以倒到10幾杯，好抵飲又好味。黎到韓國餐廳，當然唔可以唔叫番個炸雞啦！呢道蜜糖炸雞炸得好好，雞皮炸得脆卜卜，雞肉好入味，加埋少少蜜糖係雞件身上調味，5分鐘唔夠就食哂成盤雞(當然食哂所有薯塊啦)作為一班芝士控同埋食肉獸，我地決定再叫多個芝士排骨食。相比炸雞，呢道芝士排骨相對就冇咁出色啦。排骨煮得好軟熟，味道亦都幾
行下行下見到呢間野叫「達人包車」個名幾得意，而且門面係半開放式，環境幾靚，所以就排隊試下呢間野。
一坐低就送左幾碟韓國小菜比我地食坐先，基本野，味道不過不失。
前菜小食
114 views
0 likes
0 comments
特大雞蛋卷
140 views
0 likes
0 comments
蜜瓜燒酒
239 views
0 likes
0 comments
成個蜜瓜大大個，有好多蜜瓜肉甜甜地，所以加埋燒酒飲都唔算辣口，可以倒到10幾杯，好抵飲又好味。
蜜糖炸雞
142 views
0 likes
0 comments
芝士排骨
216 views
3 likes
0 comments
排骨煮得好軟熟，味道亦都幾好。但可惜用錯左芝士款式，芝士本身冇咩味道，加埋D排骨食落口時...有一種一層膠膠地的感覺係D排骨上面，所以唔算出色。相反，辣醬入面的年糕味道不錯。
唔知係唔係餓鬼上身，3個人食左咁多野之後都唔夠飽，重叫多個海鮮炒面食。炒面有唔少海鮮，青口丶蝦丶 蛤同埋雞蛋，令到成個炒面的味道好豐富。醬汁唔似平時韓式炸醬面咁濃，好易入口。雖然已經好飽，但係我地3個人都食到七七八八，非常滿足。
Other Info. :
本身想再叫多D野食，但係估唔到呢間野既食物咁大碟，而且味道亦都非常好。
建議大家可以約埋三五知己試下黎食，抵食兼好味，正！
(The above review is the personal opinion of a user which does not represent OpenRice's point of view.)
Post
