BBQ Chicken (Closed)

近年好多韓國炸雞店，雖然好味但部分價錢都唔平，$200一碟雞，炒年糕都要$150，所以就算想食都唔可以當飯堂。但新都城開左BBQ chicken ，價錢比出面平一節，所以一定要試下。十件炸雞百幾蚊，如果食唔曬可以叫5件，幾十蚊有交易，一上碟已聞到蒜味，好香。食落口雞肉鮮嫩，有肉汁，外皮微脆，做到外脆內軟感覺，好好味。韓式芝士牛肉飯大大碗都只係幾十蚊。芝士拉絲真係好吸引，飯熱呼呼的，撈埋泡菜同牛肉一齊食，少少微辣好開胃，飯筒爸爸唔洗十分鐘食曬成個飯就知佢幾咁滿意。最後叫左咖啡棉花冰，上枱時隔離幾枱都嘩嘩聲，賣相咁靚，相機食先，呃like一流將咖啡倒入冰內，冰有香濃的咖啡味，配埋棉花糖同雪糕，甜度剛好，冰粒較粗身有咬口，夏天食勁為消暑。