雷橋燒肉日本料理 (Closed)

本宮出巡，同朋友行街行到咁上下，係時候醫下個肚仔，朋友話想試下雷橋，朋友推介就試一試，本身諗住冇book位應該要等，好好彩上到去唔洗等位，直入！叫左幾種肉，本宮至愛既三種係：醬油豬頸肉 一口牛肋肉 黑椒肩五花肉豬頸肉好正，好juicy，唔會好油，燒完唔會變到好乾身，個醬好好味，同豬頸肉好match，味道岩岩好，大讚！一口牛細細粒，好"的色"，好易燒，但如果再濃味啲會好啲（本宮比較重口味），但so far都ok 好食黑椒五花肉肥瘦適中，口感唔錯，唔會好油，五花肉配黑椒，燒完之後啲黑椒入晒啲肉到，好濃郁，味覺好豐富！本宮最愛既粟米，係必食item，日本粟米一向都以甜聞名，呢到都唔例外，超級甜，燒完唔會覺得乾身，感覺好fresh，正好中和一下食左咁多肉既罪惡感。