梨和園韓日料理 (Closed)

我聖誕節一行三人去食晚市自助餐, 當晚每位HK$118，而且樣樣都唔掂。第一，雜誌廣告明明話自助火煱同燒烤, 冇提過火煱係額外o既，點知去到個火煱要加HK$20。既然廣告講明火煱, 又冇講要另外收費, 就唔應該加錢lor。第二，廣告話6pm 至12pm 任食, 有丁咁大隻字話時段視乎情況而定, 但都唔係短到得1鐘頭15分鐘卦?! 晚餐wor, 你估食lunch 咩? 仲有呀, 同有d 客講個半鐘, 同有d客講1小時15分鐘, 任佢定o既, 好唔公平。Anyway, 我地食左一個鐘就走, 因為太難食喇!第三，好難食。又話韓日，但係d 日式野食就鬼咁差。壽司d 飯仲硬過我o係超市買10蚊4件o個d, 上面塊魚又唔新鮮。刺身出好少、好慢, 我一件都食唔到.........不過都唔恨, 因為唔慌新鮮。