華豐燒臘

Open Now

Now Closed

今日下午要到中環工作，喺中環想搵啲簡簡單單嘅嘢食，都唔係冇㗎，其實好多橫街小巷，都有好多特色嘅美食，價錢都好大眾化，其中一間呢就喺中央街市旁邊嘅呢一間燒臘，我記得上次嚟食晏嘅時候，食咗一個叉燒燒鴨飯，皮脆肉滑，印像都唔錯，所以我聽朋友講呢間甜實都幾出名。今次就係下午茶時間嚟食，原來佢除咗燒臘之外，都仲有好多唔同嘅茶餐，我就食咗一個叉燒通粉配多士同埋奄列，叉燒都保持到水準喎，少少燶邊，肉質鮮味，另外朋友就嗌咗一個雞扒米線，坦白講就冇佢嘅燒味咁出色啦，不過整體嚟講都唔錯嘅，再加上同位置好方便嘅關係，所以下午茶時間一樣爆到七彩。