緣味小聚 (金百利廣場) (Closed)

銅鑼灣食嘢出咗名貴，好彩最近發掘左呢一間<緣味小聚>，價錢方面都算係幾實惠！同埋呢間餐廳嘅口味都好啱我，主打以辣為主。難忘酸菜魚❤️朋友好鍾意食酸菜魚，試過幾間酸菜魚餐廳都唔及呢間出色，廚師睇控制酸同辣上面落足心思，完全唔會有其中一隻味蓋過咗另一味，而且啲魚肉又滑 乾煸四季豆❤️乾煸四季豆好有鑊氣，菜式又鹹又香又辣，色香味俱全。小心流沙奶黃包❤️超級鍾意食呢度嘅奶皇包，一啖咬濃郁嘅奶黃就流出嚟，真係而家諗返起都想食。蟹子燒賣皇❤️燒賣都大大粒，師傅都整得唔錯。今次嘅用餐好滿意，食得好滿足❤️遲啲再嚟食過！太掛住佢哋嘅點心啦🥰