尚海人家 (TKO Gateway) (Closed)

疫情之下近排多咗叫外賣，今次就試咗一間幾唔錯嘅上海菜小店「尚海人家」，估唔到食落有驚喜，價錢實惠仲好好味！皇牌生煎包每個套餐都會配2個生煎包，雖然返屋企已經放涼，但食落依然皮薄底脆，肉餡Juicy，一咬開已經爆汁，真係好正！！上海排骨湯麵排骨都幾大塊，而且煎得好酥脆雞扒菜飯雞扒份量都好多多，煮得夠嫩滑，味道唔錯開洋蔥油拌麵初初以為會好咸，但味道卻剛剛好，而且條條分明夠爽口叫咗咁多野都只係$129，抵食！