八寸酒食 串燒 私房料理 (Closed)

朋友請我來八吋料理食生日飯，因為我好鍾意食海膽，朋友做咗資料蒐集，知道呢度有餐廳嘅招牌菜海膽帶子漢堡，所以一早訂位時，已經訂埋呢個招牌菜。餐牌入面食物嘅選擇唔算有好多，主打係刺身同串燒。實物海膽帶子漢堡同相嘅樣有啲唔同，係馬糞海膽，鮮甜味一般，因為當時做緊優惠，$68一粒，帶子夠大，還可以。另外我哋仲叫咗燒蠔、燒雞軟骨同燒飯糰，蠔嘅size比較細，醬汁比較多，味道唔差嘅。整體來說，食物質素還可以，可能是因為在銅鑼灣地段的關係，價錢比較貴。