炭火Dining 炎

Open Now

Now Closed

去灣仔搵仔，見呢間comment唔錯就book位試下。第一次去，我地就叫住d串燒試下先，食到差不多再叫，落單姐姐話如果我地想快上餐，就要一次過叫多d，言下之意係邊張單大、叫得多就做邊張單先，而唔係按落單先後次序燒。我地見唔趕時間，所以都話ok可以等。食到中途見到有個細細既是日menu，入去時staff冇介紹，我地就問staff拎黎睇，睇完我地想order 燒魚鮫同飯團，staff話魚鮫可能要等20分鐘或以上，當時仲有一個鐘用餐時間，我地話ok唔介意等，但staff表示做唔到。What? 一個鐘都做唔到？燒魚鮫要20分鐘以上，燒飯團都做唔到？ Staff話因為好多單，做唔到。OK，如果貴餐廳有呢個限制，係咪應該係客人入座時提醒客人，落order要一次過唔好分開叫，否則有排你等，或者燒唔到俾你食！有d食物需要好多時間整，想食就趁早叫！可能我地唔係熟客，又唔係一次叫好多，貴餐廳覺得我地張單細唔得閒招呼我地啦！Anyway ，呢間已blacklist，香港出色串燒多的是！