Hungry Korean (亞士厘道)

Open Now

Now Closed

今日出街食， 嚟咗期待已久嘅hungry korean。之前一直都想來但係太多人排隊， 今日見條隊得十個人就一於試下。叫完嘢食就等佢送過嚟， 叫咗一份韓國魷魚壽司、 一份鐵板雞肉飯、 豆腐湯、 雞翼、 凍麥芽茶、 凍茉茶牛奶 。韓國魷魚壽司 好嘢未， 醃製過嘅魷魚好好食， 加埋其他配料好開胃。鐵板雞肉飯 其實同石窩飯差唔多， 不過鐵板就貴少少同埋多啲雞肉。 雞肉 好滑， 偏甜， 唔辣 。 同椰菜一齊炒好好食。豆腐湯幾好食，飲完之後唔會覺得有太多味精。最好食係雞翼辣辣地好嘢未。 但係都係有少少偏甜。凍麥芽茶、 凍茉茶牛奶我覺得都唔錯， 幾好飲。總括嚟講都會在再嚟因為價錢真係幾抵食。