高麗軒韓國料理 (Closed)

同舊同事聚會，一行五人，舊同事建議嚟呢度食，上嚟Openrice嚟完食評後，立即答應。坐低後，侍應生報告價錢，每位218，加海鮮,和牛任食多加38及加一。海鮮拼盤，蝦痴殼，所以唔Refill喇，其他都Ok的。生牛肉，好食，如果比多少少雪梨絲就更perfect了。炆牛肋骨，炆得好入味，又淋，即時再Encore. 熊本箱降和牛及其他肉類都唔錯。銀鱈魚因炸得過火了，失去銀鱈魚原來的滑嫩口感，嘥料。海鮮石頭窩飯，沒甚麼失望，也沒驚喜。海鮮煎蔥餅，上檯要立即吃，好好味。人蔘雞湯，飲到人蔘的甘味，唔錯呀！炸蝦，味道ok,只是淋了些。總括而言，連加一後每位$291.60的價錢，單吃和牛，炆牛肋骨，人蔘雞湯都已經回曬本及拍手掌了，這間韓式燒烤，一定會有下次。