吉列牛忌廉烏冬專門店 (百樂中心) (Closed)

過年差唔多日日食糕，努力之下都清得七七八八。今日開工兼情人節，老公話食日韓料理唔食貴西餐，到餐廳點了個2人餐 包兩罐汽水$256，再加多個炸雞，簡單食個情人節晚飯。吉列牛定食賣相真係非常吸引，外層炸得金黄色，好薄，入面粉紅色，放上烤板燒一燒，入口更加驚喜，肉嫩好juicy, 重牛味，好滿足，定食配埋白飯同沙律，呢個定食真係好高分。咖喱忌廉牛烏冬個湯底好濃郁咖喱味，加上白雪雪忌廉好香滑，烏冬吸收曬濃郁咖喱忌廉湯底，每條烏冬好creamy, 食落好彈牙煙靭，加上d牛肉，食落同樣滿足。日式炸雞呢個係我哋額外加的小食，炸得超金黃香脆，但一點也不油膩，雞皮脆卜卜，雞肉滑溜，不會乾，配埋個芥末沙律醬一齊食，不錯。