聚知坊

Open Now

Now Closed

前幾日需要去火炭工業區攞貨，攞完朋友話入面有間餐廳lunch幾多人幫襯。因為我地係收工時間去，相對無咁多人。食堂面積都幾大，仲有露天座位，有霓虹燈煙花睇會變色，坐係外邊幾有feel~我地叫左一個破地獄炒飯～碟炒飯超大碟，唔係講笑男士都有機會食唔晒。味道方面都幾夠辣，配料都幾豐富，炒飯粒粒分明，食得辣既朋友可以試下。由於朋友唔食得辣試左一啖，半碟都係我食。🐟鮮茄池魚飯池魚煎到非常香口，連骨都係脆卜卜可以揸住成條食，面頭鋪滿茄蛋超下飯。飲品可以揀支裝蜂蜜雪梨，因為當日都幾凍下就問有無唔凍，無諗過有熱，超貼心。🐥炸雞塊配泰式甜辣醬～唔錯，幾香口，炸粉幾薄。