Yuyu Sushi

Open Now

Now Closed

新年前要帶架車車去長沙灣洗白白同打蠟，等拎車期間我地去左喜薈商場入面搵食。入面有好多餐廳，我地去左我地至愛的日本菜YuYu Sushi 。餐牌多元化，有晚市定食、刺身盛、卷物、手卷、茶漬飯、鍋物、天婦羅、一品料理、手握壽司，以家手握壽司每4客即享8折優惠，好抵食，價錢親民。我地點左一魚兩吃，可以簡刺身、鹽燒、汁煮。日本直送：目仁奈我地簡左刺身和汁煮目仁奈係出沒南部九洲一帶海域，魚身呈白色，晶瑩剔透，刺身魚肉有彈性，配以師傅特調的柚子汁一齊食，鮮味更提升。汁煮目仁奈另一番風味，魚味濃郁，肉質嫩滑，兩種不同食法，非常特別。蟹籽沙律將青瓜，蟹柳切成一條條絲，青瓜清脆多汁，撈埋蟹籽一齊食，口感豐富。芝士玉子燒蛋味香濃順滑，再加上炙燒芝士，綿密口感融合得恰到好處。