1987 Kitchen (Moved) New Location

週末試下元朗西餐小店，價錢親民，五星級享受🤩首先有餐前小食青檸泡泡，有少少酸味幾開胃，可以清洗味蕾。接着有麵包及甘筍忌廉湯，麵包配玫瑰花牛油🌹及honey mustard😍咁靚嘅牛油好少喺小店見到，通常都係高級餐廳例如Amigo先至有👍🏻我比較鍾意配honey mustard，好香好特別。主菜叫咗紐西蘭草飼肉眼扒$118，我叫左最愛嘅五成熟，雖然牛扒唔厚，但係切開都係粉紅色🥩牛扒唔厚感覺上好難控制生熟程度，所以有呢個水準，廚藝的確唔錯👍🏻而且肉質鮮嫩，唔使加調味料都已經有本身嘅牛味。另外有波士頓龍蝦藍青口意粉$188🍝由於意粉係散叫，加$32可以跟餐有湯或沙律及飲品。意粉係手做扁意粉，咬落好有口感，但又唔會太硬，每條麵都充滿着豐富龍蝦汁，令我想起Ritz Carlton的龍蝦湯😍龍蝦感覺新鮮🦞特別係個鉗好好食，比較之下藍青口就普通🤔總括來講，食物質素性價比很高，侍應服務唔錯，會主動提議主菜逐個上菜，因為餐桌比較細，如果主菜一次過黎就會很逼。