上海一品香菜館

Open Now

Now Closed

想食啲平民價上海菜，呢間一品香都係一個唔錯既好選擇！我地五個人叫左一個酸辣湯，砂鍋雲吞雞，火丁津白，上海粗炒，雞絲粉皮，小籠包，豆沙窩餅。酸辣湯好足料，但係只有酸，唔辣。砂鍋雲呑雞入面有半隻雞，七八粒雲呑，個湯都好鮮甜。火丁津白個賣相好似麻麻地咁，但菜同豆卜都煮得好入味！唔好睇啲小籠包細細粒，入面都有湯汁，無穿無漏！豆沙窩餅就唔推薦啦，雖然熱辣辣，但一啲都唔脆，可以唔叫。我地坐嗰張枱係喺觀廣等𨋢既位，接受唔到坐餐廳外面食既你，就要早少少去等位啦。