九町屋 (Moved) New Location

上星期係天后個邊閒逛時，見到有間居酒屋價錢非常親民，見到軟殼蟹煎飯都係50幾蚊，二話不說即入去食。雞軟骨小丸子，一串有3粒，用雞軟骨整小丸子口感豐富，彈牙得黎又帶點脆口感。芝麻蝦多士（配威士忌汁）件件都有爆多芝麻，入口酥脆，蝦味十足，加威士忌汁，油膩感大減。辛辣軟殼蟹煎飯配肉醬汁，50蚊食到軟殼蟹嘅地方真係唔多，重要係原隻軟殼蟹，炸得相當酥脆，，肉醬汁有點曾相識嘅感覺，淋落煎飯到份外惹味。香煎帶子撈麵，醬汁帶點辣，沾上醬汁同肉碎的撈麵份外惹味，麵質不太淋，經煎過嘅帶子更香口嫰滑。步入夏天，飲杯蜂蜜檸檬紅茶和青蘋果紅茶解渴，爽到爆。