JJJ Korean Steakhouse & Bar (Closed)

同朋友食飯，諗住食下牛扒，又唔想又係西餐，就搵左間食韓牛既steakhouse, 可能我哋唔識揀，叫左一個set，（其實姐係韓燒，只係d肉切得大粒d）點完餐d肉黎左經理好專業咁介紹一輪，感覺好似好勁，經理重親自燒一半份量嘅肉，留返一半嘅肉比我地自己慢慢玩，經過佢一輪感覺好專業嘅介紹同講解應該燒幾成熟同應該食邊隻肉先後次序後，滿有期望咁食啦，但只有失望，佢一粒四方既肉粒如果打算食中餐咁用筷子放入口咬開佢係唔work架囉，係有根用牙咬唔斷，之後為有用刀叉將佢切細粒再食！老實你話d肉係咪好差，我可以答一定唔係，但用呢個價錢食呢個級數嘅肉，堅係好差，我地叫左一個細嘅set有相中既肉粒，加左一份牛脷，一杯雪糕，兩杯cocktail, 埋單$2900，貴都唔堅要但唔好食果度大件事，我相信同一樣嘅食物出面應該可以最少平一千蚊！非常失望！