早安越南 (Closed)

最近成日大魚大肉，好想食番D清清地嘅野食。如果想食清D，越南菜係唔錯嘅選擇。冇呢個小社區有唔少連鎖餐廳，早安越南喺地鐵站一出黎嘅一間商場裏面，位置便利好易搵。餐廳以沙發卡位為主，座位都幾舒適。清清地叫咗一個越式春卷湯矇粉($61)，除咗夢粉之外可以選擇河粉或者金邊粉。湯底非常清淡而且冇油，清得黎又有淡淡嘅牛肉香味。配埋香茅葉、芫荽蔥同埋炸蒜等等嘅香料，已經非常夠味。炸春卷熱辣辣外皮酥脆鬆軟。上湯浸時蔬($56) 可以選擇生菜、通菜或者西蘭花。青咖喱豬頸肉煲配白飯($120)青咖喱唔辣啱晒唔食得辣嘅朋友，裏面除咗豬頸肉之外仲有茄子、秋葵、洋蔥等等嘅配料，份量都算多。必須要讚嘅係呢度嘅服務態度一流，侍應經常過嚟幫我地斟水，而且態度非常有禮。