Video
Read full review
2014-08-06
367 views
一個人的晚餐其實好難唸食乜！好多時會買壽司外賣，因為唔使急住食，又可以自己揀！最近多咗好多爭鮮，可能都係呢個原因！門面光猛乾淨，地方唔大，只有一個大雪櫃，放壽司、刺身同小食！我去到時有個男店員在添補壽司，收銀處有個女店員收銀，自選壽司$3一件，呢個價錢真係無敵，今日粟米壽司買一送一，不過我唔鍾意粟米，所以無揀！自己攞個膠盒揀咗8件壽司！三文魚--肉質正常，唔腥！紅貝--好靚嘅粉紅色，又唔似赤貝咁爽口，少少脆口，貝類通常會腥，但呢款又無，幾好！明蝦--幾爽口，唔腥，個賣相幾好！八爪魚--我特別揀魚腳，一件壽司兩隻腳，肉質唔硬，少少彈牙，好容易食！希靈魚--好腥，黃色魚子卜卜脆，但魚肉好腥！黃金魷魚、芥辣八爪魚、飛魚子--軍艦紫菜一定會淋晒（當然唔可以同新鮮即做比較），不過三款都好味，主要係我食三款都爽口卜卜脆，芥辣魷魚芥辣味唔重！魷魚彈牙！包住個賣相真係唔吸引，返屋企拆開放在碟，個樣即刻靚好多，講真呢個價錢食壽司，只求味道正常，唔好有「驚喜」就得！8件壽司比一包豉油同一包芥辣，要多啲就要比錢買，好在我唔係食好多芥辣，好怕啲人溝堆綠色芥辣醬點壽司，根本為攻鼻，壽司係乜嘢味都唔知！壽司價錢相
三文魚--肉質正常，唔腥！
紅貝--好靚嘅粉紅色，又唔似赤貝咁爽口，少少脆口，貝類通常會腥，但呢款又無，幾好！
明蝦--幾爽口，唔腥，個賣相幾好！
八爪魚--我特別揀魚腳，一件壽司兩隻腳，肉質唔硬，少少彈牙，好容易食！
希靈魚--好腥，黃色魚子卜卜脆，但魚肉好腥！
黃金魷魚、芥辣八爪魚、飛魚子--軍艦紫菜一定會淋晒（當然唔可以同新鮮即做比較），不過三款都好味，主要係我食三款都爽口卜卜脆，芥辣魷魚芥辣味唔重！魷魚彈牙！
包住個賣相真係唔吸引，返屋企拆開放在碟，個樣即刻靚好多，講真呢個價錢食壽司，只求味道正常，唔好有「驚喜」就得！8件壽司比一包豉油同一包芥辣，要多啲就要比錢買，好在我唔係食好多芥辣，好怕啲人溝堆綠色芥辣醬點壽司，根本為攻鼻，壽司係乜嘢味都唔知！
壽司價錢相宜，賣相一定爭啲，不過呢間多人買，去貨快，所以相對新鮮！我都放心食！而且好方便，想食總有一間响左近！店員好爽手！收銀姐姐好快手！仲可以八達通比錢！好方便！
Post
