Video
Read full review
2018-03-16
437 views
由於朋友住大埔嘅關係，今晚就就下佢，去大圍附近食飯，見到近排都有唔少人介紹呢個幾平嘅廚師發辦，所以就決定一試喇~ 餐廳位於屋村嘅地下同二樓，地下係廚房加吧枱嘅座位，我揀咗坐樓下，位置比較逼，所以都有啲後悔無坐係樓上一早就已經決定咗食呢個$600嘅廚師發辦，入面包括有小鉢、刺身五點、五貫握壽司、席卷一本、牛肉烏冬同甜品，相信都會夠飽啊首先黎嘅就緊係前菜小鉢啦，分別有三款，就係螢光魷魚、蟹肉蟹膏醬同牛蒡漬物。螢光魷魚係生嘅，但係就醃過嘅，所以味道偏鹹，味道同我之前食過鰹魚肝醬有啲似，獨有嘅鹹鹹內臟味道，唔係人人接受到，我就味道還可以，但係偏鹹。蟹肉蟹膏醬就唔洗多講都知唔會差，底下有唔少嘅蟹肉，仲有啲蟹子添，所以口感好好~ 最後係我幾鍾意食嘅牛蒡漬，牛蒡條爽脆之餘，又帶點韌，而且仲可以食到甘澀嘅味道，唔錯嘅小食。整體小食都比較偏鹹，都係送飯或者啤酒一流嘅小食黎接住就係五款刺身，每款都分開上嘅:第一款係牙帶魚刺身，呢個刺身唔係點芥末，而係點酸酸開胃嘅醋汁，醋汁仲要放咗辣蘿蔔蓉同碎蔥，令彈牙嘅牙帶魚嘅味道幾清新，蔥香同刺身都好夾第二款係深海池魚刺身，平時唔係太鍾意食白肉魚嘅刺身，不過深海池魚真係
一早就已經決定咗食呢個$600嘅廚師發辦，入面包括有小鉢、刺身五點、五貫握壽司、席卷一本、牛肉烏冬同甜品，相信都會夠飽啊
首先黎嘅就緊係前菜小鉢啦，分別有三款，就係螢光魷魚、蟹肉蟹膏醬同牛蒡漬物。螢光魷魚係生嘅，但係就醃過嘅，所以味道偏鹹，味道同我之前食過鰹魚肝醬有啲似，獨有嘅鹹鹹內臟味道，唔係人人接受到，我就味道還可以，但係偏鹹。蟹肉蟹膏醬就唔洗多講都知唔會差，底下有唔少嘅蟹肉，仲有啲蟹子添，所以口感好好~ 最後係我幾鍾意食嘅牛蒡漬，牛蒡條爽脆之餘，又帶點韌，而且仲可以食到甘澀嘅味道，唔錯嘅小食。整體小食都比較偏鹹，都係送飯或者啤酒一流嘅小食黎接住就係五款刺身，每款都分開上嘅:
第一款係牙帶魚刺身，呢個刺身唔係點芥末，而係點酸酸開胃嘅醋汁，醋汁仲要放咗辣蘿蔔蓉同碎蔥，令彈牙嘅牙帶魚嘅味道幾清新，蔥香同刺身都好夾
第二款係深海池魚刺身，平時唔係太鍾意食白肉魚嘅刺身，不過深海池魚真係唔食唔得，魚肉微微煙韌彈牙，味道好鮮嫩，鮮磨嘅辣芥末可以帶出鮮味
第三款係油甘魚刺身，唔知係咪因為唔鍾意白肉魚嘅關係，我覺得呢個有刺身唔係太好，魚肉味濃，略厭已經到腥味黎形容
第四款係牡丹蝦刺身，呢個可以大讚，因為蝦肉超大隻肥美，肉質亮麗，食落爽口，望到已經流曬口水
第五款係拖羅，睇落係少淡粉紅色，似係脂肪嘅多嘅大吞拿魚腩，食落真係感覺到幾肥多油，但係食落有少少雪味，我覺得一般跟住係五貫握壽司，首先一次過黎咗三件先，另外兩件之後先上:
先黎嘅三件分別係赤身壽司、火炙左口魚壽司及火炙醬油三文魚壽司，第一款就唔特別多講，因為味道不過不失；第二款嘅魚肉口感幾軟身，都可以食到淡淡魚香，唔錯；第三款嘅三文魚係魚腩黎，油脂分佈較多，所以口感超嫩~ 但係壽司都有一個敗北就係舊醋飯，醋香唔夠，而且飯落得太水煮，太稀，食唔到飯粒粒粒分明嘅口感
之後第四件壽司係帶子壽司，上面嘅帶子好肥美，鮮嫩十足，又夠口感，弊病仍然係舊醋飯
最後一件壽司就係海膽軍艦黎，用嘅係加拿大海膽，味道唔錯，紫菜都可以少少補救到啲飯嘅問題
食都呢到已經開始覺得飽肚喇，但係接住仲有席卷，將一條長嘅吞拿魚茸壽司卷分成六小舊，可惜魚茸同飯嘅口感太相似，令到口感唔係幾好
食緊吞拿魚茸壽司卷時，牛肉烏冬都送到喇，牛肉睇落似係日式叉燒多啲，不過味道係唔差嘅，而烏冬係完美，口感煙韌彈牙，煮得啱啱好，好想食，但係又好飽，哈哈~
最後嘅甜品係日式芝士蛋糕，呢個簡直係重擊我個胃啊，因為已經好飽，但係仲有漏漏嘅芝士糕，雖然話住飽同漏，但係我都食曬成件蛋糕，因為味道好好，芝士味香濃，微微實又軟嘅口感，應該係買番黎嘅，不過真係好好食~
Post
