一番風味 (Closed)

我係九龍人, 無咩必要都唔會過大島, 今次過銅鑼灣幫人占卜, 攪掂完當然去醫肚啦, 第一時間就諗起一番風味!好擔心一番風味步誠昌后塵咁成名之后就質素下降, 所以… 有時間就食多一轉得一轉! 及時行樂!另外再點咗隻黃金軟殼蟹同紅酒扣牛尾.黃金軟殼蟹 : 首先, 好熱! 辣咀! 外表好似鋪上一層泡, 但一入口咸蛋黃嘅咸香味即刻出哂黎. 軟殼蟹亦炸得香脆唔肥膩, 欣賞!紅酒扣牛尾 : 自己絕少食牛尾, 所以唔清楚牛尾肉質特點, 單單以眼前嘅牛尾評論, 牛尾肉質超鬆軟, 而且濃郁嘅紅酒汁原完入哂味, 話就話係紅酒汁但相信過火之后嘅紅酒味已經揮發哂, 所以酒味唔強, 啱哂唔太中意酒味嘅我, 單單哩碟小菜, 已經可以連送3碗飯. 爆like.主角 招牌膏蟹粥: 嘩! 主角出場啦! 顏色仍然係金黃色, 一打開煲蓋, 蟹味撲鼻, 一入口水蟹同蟹膏味強烈, 20年前食誠昌水蟹粥嘅感覺完全翻哂黎! 攞埋個蟹蓋上下左右不停瀨! 瀨到乾乾淨淨! 無哂儀態，成煲粥，一d都無浪費，食哂！我次次食粥都因為病，只有食一番風味嘅膏蟹粥係例外！