豬隊友

Open Now

Now Closed

職場上或遊戲遇到豬隊友想點？梗係狠狠地𡁻一獲啦，但係𡁻人係犯法架。嚟「豬隊友」就唔同啦，可以𡁻得好爽。今日試左雞肉/蔥枝/茄子串，另外一杯（好似叫）雙揸檸茶沙冰。首先要講個炸槳，薄薄一浸好香口。剛炸起熱辣辣好正。雞肉用上雞髀肉，好易入口，一啖一舊剛剛好。花枝丸無怪味（好多時啲丸類會有種不應存在的味，有人話係雪味，我唔識形容，總之難食），質感都好好。勉強可以一啖一粒（櫻桃小咀要兩啖）。茄子外脆內軟。有時食燒茄子，什至（尋晚食完）氣炸都會有種唔知算唔算腥既味，但呢個完全過關。咁正巴炸茄子竟然買一送一！檸茶沙冰做左少甜。平時只飲走甜既我會覺得仍然甜左少少。個檸味好立體（好似係檸檬加青檸？），唔會單調哋得一個酸味。略嫌唔夠「冰感」，即係似沙多過似冰，好處係易入口，但在炎夏就少左清涼既效果。夏日炎炎一個基本上只做外賣既街店（有一張細細哋既枱供大家堂食）會蝕底少少，但唔好比個客觀環境影響大家既試欲。最後買左隻炸肶（只係$28，算抵）今晚加餸。以後食炸物就唔駛得豪大大炸雞啦！