Video
Read full review
2017-05-22
448 views
今次已係第二次幫襯呢間餐廳， 猶記得第一次來幫襯《Bondi》嘅時候，畀呢度嘅優哉悠哉、澳洲慢活感覺所吸引。今日黎開觀塘， 好懷念《Bondi》出品嘅咖啡， 所以就選擇喺呢個暫時能令我忘卻煩囂嘅地方，食個豐盛嘅午餐。Bondi嘅 set lunch由$98至$158，由前菜、餐湯、主菜、甜品都有， 價錢合理， 而且食物質素高，最重要係可以嘆返一杯高質素嘅咖啡， 喺連鎖咖啡店飲杯咖啡都要三四十蚊， 所以我覺得百零蚊可以食埋午餐， 真係好抵。今次我就食咗慢煮美國豬扒配蜜桃，$148。先來一客前菜：煙鴨胸沙律。煙鴨胸肉質嫩滑， 唔會太鹹， 配搭埋新鮮嘅沙律菜同車厘茄， 食落相當清新。至於餐湯係雜菌蘑菇忌廉湯，雜菌打成蓉，未入口都可以聞到香濃嘅菇菌味， 而且飲落好滑溜，暖笠笠，令人飲落好舒服，加埋熱辣辣嘅餐包， 簡直令我打開胃口。主菜：慢煮美國豬扒， 呢個慢煮豬扒未食淨係睇賣相已經滿分。豬扒嘅外層煎得金黃香脆。一切下，豬肉呈現粉嫩，食落非常juicy彈牙，全因慢煮烹調技巧令豬扒鎖緊肉汁，配襯埋香煎過嘅水蜜桃， 香甜嘅果香配搭埋豬扒，真係勁匹配。配菜有香烤過嘅薯仔粒， 而且仲有蒜蓉炒翠玉瓜同雜菇
Bondi嘅 set lunch由$98至$158，由前菜、餐湯、主菜、甜品都有， 價錢合理， 而且食物質素高，最重要係可以嘆返一杯高質素嘅咖啡， 喺連鎖咖啡店飲杯咖啡都要三四十蚊， 所以我覺得百零蚊可以食埋午餐， 真係好抵。
今次我就食咗慢煮美國豬扒配蜜桃，$148。先來一客前菜：煙鴨胸沙律。煙鴨胸肉質嫩滑， 唔會太鹹， 配搭埋新鮮嘅沙律菜同車厘茄， 食落相當清新。
至於餐湯係雜菌蘑菇忌廉湯，雜菌打成蓉，未入口都可以聞到香濃嘅菇菌味， 而且飲落好滑溜，暖笠笠，令人飲落好舒服，加埋熱辣辣嘅餐包， 簡直令我打開胃口。
主菜：慢煮美國豬扒， 呢個慢煮豬扒未食淨係睇賣相已經滿分。豬扒嘅外層煎得金黃香脆。一切下，豬肉呈現粉嫩，食落非常juicy彈牙，全因慢煮烹調技巧令豬扒鎖緊肉汁，配襯埋香煎過嘅水蜜桃， 香甜嘅果香配搭埋豬扒，真係勁匹配。
配菜有香烤過嘅薯仔粒， 而且仲有蒜蓉炒翠玉瓜同雜菇，食落非常香口， 又健康又美味。
最後嘅homemade dessert， 蜜糖荔枝奶凍，荔枝奶凍非常香滑， 滲出淡淡荔枝香氣， 配合埋上面金黃色嘅蜜糖， 令到果香同蜜糖嘅香甜互相輝映， 除咗賣相靚之外， 品質亦相當高， 可《Bondi》對食物嘅一絲不苟嘅精神。
最後叫咗杯Ice cappuccino，《Bondi》 嘅咖啡出名品質高， 以澳洲出名嘅咖啡為藍本， 無論係奶泡嘅濃滑細密，以至到咖啡嘅香氣，都由咖啡師精心調配， 令人甚有驚喜。
係咁舒適嘅環境，享受咗一餐澳洲風味嘅午餐，令人感覺開懷。雖然未有時間去澳洲旅遊一趟， 喺度食個午餐， 都可以令人暫時忘掉煩惱。
Post
