Video
Read full review
2021-08-04
306 views
最近返工都好忙好大壓力 今晚就同男朋友約左放工之後去食好西減一減壓 今次就黎到天后橋底既黑木亭食日本菜裝潢格調都係典型居酒屋既feel🏮黑蟹子龍蝦沙律 ($98)份量十足既龍蝦沙律配上黑蟹子 沙律菜 青瓜片同車厘茄好開胃 如果多士可以烘多少少就更好黑豚荔枝卷 ($38)黑豚蘆筍卷 ($38)呢兩款黑豚卷都揀左麻辣小辣 捲住荔枝同蘆筍係兩種唔一樣既配搭 但都屬於係比較fresh既口味 少少辣好過癮 但同時又可以保留到黑豚肉既油香雞翼 ($38)開邊雞翼燒到金黃色 外層雞皮焦香 內層雞肉嫩滑 屬有水準之選厚切豬頸肉 ($38)豬頸肉夠厚身 咬落柔軟又有彈性 口感豐富脆燒豆腐 ($38)豆腐本身炸過 外層香口 內裏口感較為實淨 加上鋪面嘅木魚碎更添風味鴛鴦翠玉瓜 ($28)微微烤過既翠玉瓜沾上明太子醬 咬落鮮嫩多汁 非常有驚喜澳洲龍蝦二食 ($239)喺OpenRice訂位有折啊 仲有幾款唔同嘅優惠可以揀 我地今次就揀左以優惠價食到龍蝦二食 二食就包括龍蝦麵豉湯同炒龍蝦球龍蝦麵豉湯鮮味濃郁 清而不太淡 唔係得一陣死鹹味 飲落仲見到原隻嘅蝦殼 一啲都唔馬虎 蝦球加入洋蔥 蘆筍 同蟹子入去炒 蝦
裝潢格調都係典型居酒屋既feel🏮
黑蟹子龍蝦沙律 ($98)
份量十足既龍蝦沙律配上黑蟹子 沙律菜 青瓜片同車厘茄好開胃 如果多士可以烘多少少就更好
黑豚荔枝卷 ($38)
黑豚蘆筍卷 ($38)
呢兩款黑豚卷都揀左麻辣小辣 捲住荔枝同蘆筍係兩種唔一樣既配搭 但都屬於係比較fresh既口味 少少辣好過癮 但同時又可以保留到黑豚肉既油香
雞翼 ($38)
開邊雞翼燒到金黃色 外層雞皮焦香 內層雞肉嫩滑 屬有水準之選
厚切豬頸肉 ($38)
豬頸肉夠厚身 咬落柔軟又有彈性 口感豐富
脆燒豆腐 ($38)
豆腐本身炸過 外層香口 內裏口感較為實淨 加上鋪面嘅木魚碎更添風味
鴛鴦翠玉瓜 ($28)
微微烤過既翠玉瓜沾上明太子醬 咬落鮮嫩多汁 非常有驚喜
澳洲龍蝦二食 ($239)
喺OpenRice訂位有折啊 仲有幾款唔同嘅優惠可以揀 我地今次就揀左以優惠價食到龍蝦二食 二食就包括龍蝦麵豉湯同炒龍蝦球
龍蝦麵豉湯鮮味濃郁 清而不太淡 唔係得一陣死鹹味 飲落仲見到原隻嘅蝦殼 一啲都唔馬虎 蝦球加入洋蔥 蘆筍 同蟹子入去炒 蝦球飽滿啖啖肉 粒粒蟹子更添口感層次
蜜桃烏龍熊茶 ($58)
冰雕既熊仔超級可愛又吸睛 配上薰衣草食用花更添少女心 我果然無order錯 濃濃嘅蜜桃香味配上淡淡的茶香 味道偏甜 但係我鍾意
葡萄檸冰 ($58)
男朋友話夠清涼解渴 甜度適中
Menu
不得不提既係小店服務態度好好 男朋友唔小心跌咗隻筷子 店員就立即主動遞過隻新既俾佢 十分貼心
Post
