日和号壽司料理 (Closed)

位於MegaBox 10樓呢間日本嘢做緊優惠時段刺身壽司半價。平日由2:30pm，假日由3:00pm開始。刺身原價由$58起，一客四片。壽司有接近40款，好多選擇。原價由$22-48不等，一客兩件好抵食！用QR code落單後，食物好快就上枱，好有效率。當中最鍾意三文魚子軍艦同香蔥吞拿魚腩軍艦，軍艦壽司即點即整，紫菜仍然脆身。三文魚子新鮮唔會太鹹而且份量唔少吉列炸蝦同吉列炸蠔新鮮即炸，上枱時仲熱辣辣。本身上面有沙律醬，但落單時可以揀走醬，幾貼心帆立貝經過火炙後更香口，柚子胡椒同鮮甜嘅帆立貝味道好夾刺身擺盤精美，三文魚腩同油甘魚魚油豐富。