元洲牛肉麵 (青華閣) (Closed)

聞名已久嘅元州牛肉麵，今日特登去長沙灣總店試下。招牌元州牛肉麵 $56一碗有四塊牛肉，唔算細塊，好淋身。揀咗原味牛肉湯底，湯底香濃唔咸，味道啱啱好。配埋台灣麵做麵底，麵條煙韌有彈性。另外仲有舊蘿蔔索咗d湯底，一咬舊蘿蔔滲d香濃嘅湯汁出嚟，好食。另外有個配料自助區，我試咗經典辣牛油膏，少少都好辣但同時又好香。佢唔係普通潮州辣椒果隻味，似華園香辣牛肉粒果種香辣。其實碗麵係好食，但份量唔算多，呢個價錢比較細碗。