Video
Read full review
2021-05-28
446 views
呢間韓國菜餐廳都開咗一排，都好想試下。但次次黎都好多人排隊，所以都轉咗食第二間。今次中午黎到，咁啱有位可以入去試下。以為佢哋係食烤肉嘅，會好重油煙味，但行入去又唔覺得會。就算坐係到食咗個半鐘，走果時都冇咩油煙味。呢點真係好好成間店舖坐位間隔安排都唔會話令人坐得好逼夾。叫好野食後，上咗5種小菜，泡菜同芽菜可以任加，其他就要再另外收錢。3樣唔辣，2樣辣。花生有小小甜味，但唔係棉香果種，所以個人覺得還好；個樣好似蘿蔔片嘅辣薯片，口感比較爽脆，味道辣辣哋；芽菜同四季豆睇得出都好新鮮，但四季豆真係冇咩味。芽菜味道清淡，但唔係白灼果種，冇草青味，芽菜豆都係大大粒。呢到嘅泡菜食得出係正宗嘅韓國泡菜。泡菜醃得唔透又會生，醃過龍又會太酸太鹹，而呢間就係醃得夠透的之餘又唔係醃過龍嘅。食落第一啖會感覺有小小甜味同帶啲韓國辣醬嘅蒜味，口感都比較爽脆。主菜係生牛肉石頭鍋飯，個賣相都好吸引。佢有除咗有牛肉呢個主角之外，會有一粒生蛋黃、炸蒜蓉同蔥花。餐廳嘅職員都好好服務，會幫我哋伴好成個飯俾客人食，呢個服務好貼心呀咁樣除咗令客人我哋覺得方便享用之外，都會避免啲客人伴得唔勻而影響口感。石頭鍋飯當然少不了飯焦啦，如果鍾
以為佢哋係食烤肉嘅，會好重油煙味，但行入去又唔覺得會。就算坐係到食咗個半鐘，走果時都冇咩油煙味。呢點真係好好成間店舖坐位間隔安排都唔會話令人坐得好逼夾。
叫好野食後，上咗5種小菜，泡菜同芽菜可以任加，其他就要再另外收錢。3樣唔辣，2樣辣。花生有小小甜味，但唔係棉香果種，所以個人覺得還好；個樣好似蘿蔔片嘅辣薯片，口感比較爽脆，味道辣辣哋；芽菜同四季豆睇得出都好新鮮，但四季豆真係冇咩味。芽菜味道清淡，但唔係白灼果種，冇草青味，芽菜豆都係大大粒。
呢到嘅泡菜食得出係正宗嘅韓國泡菜。泡菜醃得唔透又會生，醃過龍又會太酸太鹹，而呢間就係醃得夠透的之餘又唔係醃過龍嘅。食落第一啖會感覺有小小甜味同帶啲韓國辣醬嘅蒜味，口感都比較爽脆。
生牛肉石頭鍋飯
$105
46 views
1 likes
0 comments
主菜係生牛肉石頭鍋飯，個賣相都好吸引。佢有除咗有牛肉呢個主角之外，會有一粒生蛋黃、炸蒜蓉同蔥花。
餐廳嘅職員都好好服務，會幫我哋伴好成個飯俾客人食，呢個服務好貼心呀咁樣除咗令客人我哋覺得方便享用之外，都會避免啲客人伴得唔勻而影響口感。石頭鍋飯當然少不了飯焦啦，如果鍾意食嘅話可以同職員講，佢就會遲少少先同你伴。生牛肉同蛋黃係伴飯嘅過程會因為加熱咗嘅石頭鍋而慢慢咁熟透，咁樣會最大保留咗牛肉嘅鮮嫩口感。配合埋粒蛋黃，增加咗飯嘅濕度，令成個飯更加香滑。
而小菜中嘅泡菜同芽菜係伴飯嘅最佳拍檔，多汁嘅芽菜，加上惹味爽脆嘅泡菜，配合香脆嘅炸蒜同埋鮮香嘅蔥花，混合埋嫩滑嘅牛肉，成個飯真係相當精彩！
因為依家海港城有卷可以用，唔計加一，呢間係滿100減50，今餐午市人均加埋加一70蚊都唔洗，所以都幾抵食！
Post
