十二味 (和富)

Open Now

Now Closed

餐廳中式裝潢，座位闊落有空間感，客人可用電話落單，可以慢慢睇啱先自己落單。午市套餐選擇多，價錢由$48-68非常親民，而套餐包括前菜、白飯及酸梅湯。雲耳爽口帶酸好醒胃，酸梅湯酸酸甜甜可解辣。水煮牛肉落單時可按自己喜歡選擇辣度，選擇咗小辣花椒味香，帶少許麻辣。雖然係午市套餐但份量及味道都一點也不馬虎。牛肉份量多，肉質嫩滑，除咗主角牛肉，配菜都非常豐富有油麥菜、青瓜及大量芹菜。川香回鍋肉薄切，肥瘦均勻，炒得夠乾身夠香口，配菜有芹菜及蓮藕片。麵質煙韌，醬汁香濃，不油膩。皮蛋蛋黃較實，燒椒頗辣，味道一般。