喜鍋 海鮮‧火鍋‧小廚 (Closed)

雖然老婆唔太食牛，不過我同佢姊妹兩公婆都係牛魔王，佢地之前因為同事介紹試過呢間外界一致好評的火鍋小店<<喜鍋 海鮮‧火鍋‧小廚>>，覺得非常好食，所以專登約埋我地一行4人一齊刷返餐牛肉火鍋盛宴。😋喜鍋雖然地址係旺角，不過我地係OPENRICE搵到其實從油麻地地鐵站過去係比較近。我地到的時候，朋友兩公婆已經攞左位，我地坐係地下果層，朋友話樓上仲有一層，地方都幾大特別係餐枱夠哂大，唔驚點多菜放唔落。由於佢地之前已經來過，所以今日點菜就交俾佢地負責，我地負責食就可以。😝今晚主打當然係牛魔王大戰牛魔皇啦，喜鍋的牛魔皇塔$398一份，份量超級大，分3層: 頂層安格斯牛柳粒，下面2層分別係安格斯牛頸脊同手切本地牛頸脊。最搶手係底層的牛頸脊，油脂超豐富，肉質軟腍牛肉味濃，連唔太好牛肉的老婆都加入爭食。🙈中層的牛頸脊肉味最濃，肉質彈牙有咬勁，老婆姊妹比較喜歡呢個。我自己最鍾意頂層的安格斯牛柳粒，肉汁超豐富又爽口彈牙而且完全唔韌，不過需要煮的時間較長，所以都係同佢地搶食完牛頸脊之後再慢慢刷。🤣牛魔皇塔$398呢個價錢確係抵食。👍我地今日揀左招牌花膠鯊魚骨膠原湯鍋做火鍋湯底