一喜‧拉麺

Open Now

Now Closed

突然想食拉麵，就試一試佢。舖面簡約光猛寬敞。環境風味欠奉，但係整到日本拉麵店格局就一定回唔到本，所以不完美可接受。一碗正常拉麵$79 應該係市價甚至偏平，嫌貴去食雲吞麵適合啲。試咗醬油叉燒拉麵加天婦羅雞翼。湯底： 夠晒熱。味道淡麗，飲晒成碗唔覺死鹹拉麵 ： 幼麵，冇驚喜冇失望叉燒： 偏肥但係燒得夠焦香冇油膩感，有肉羶味但可接受溏心蛋： 真溏心嘅，夠味，冇醃過龍配料： 葱花同木耳絲，冇特別雞翼： 全隻去骨，炸得酥脆，充滿誠意整體黎講係中上之選，性價比高。呢度有雞白湯雞叉燒，怕豚叉燒肥可以試下。小食加唔加就豐儉由人，抵就唔算，不過值嘅有人話呢間係麵道復活。畢竟麵道都冇咗半年，味道已經唔記得 比較唔到。