Plato Cafe & Bistro (裕民坊YM²)

餐湯：是日餐湯係南瓜湯。湯底blend 得非常溶及軟滑，無顆粒感，南瓜味十分濃郁，頗有驚喜。煙三文魚沙律：沙律幾新鮮，份量亦頗多，酸味味，配幾片煙三文魚的咸香作點綴，非常開胃的前藥，澳洲肉眼扒：超過八安士，肉質鬆軟，但不缺牛味，厚度適中，五成熟就剛好。賣相及味道唔錯，配埋焗薯，非常飽足。龍蝦意大利飯：半隻開邊龍蝦，擺盤非常吸睛。意大利飯粒分明，硬度少少偏軟，龍蝦汁味道亦香濃，掛汁效果唔錯，唔會太水，睇得又食得。甜品：分別揀左cheese cake 同movenpick 雪糕。cheese cake 芝士味香濃而邪惡，賣相得體。但都比較膩口，細細件就夠了，為呢餐劃上完美句號總結：二人餐黎講份量十足，賣相味道都唔錯，性價比頗高，牛扒及餐湯頗有驚喜。