豚王 (新城市廣場) (Closed)

因為今日去文化博物館睇展覽，所以同朋友泥左新城市廣場搵野食。之前聽朋友講泥間D湯底好正，所以就泥左泥度打算一戰佢個黑王。不過由於都多人等位，所以我同朋友等左成20分鐘先有位。都算係等得比較耐喇。係點餐紙果度你可以自訂湯底既醬油、香味油同蒜油既分量。由於我偏向食重口味，所以我全部都叫左最多。黑王係用墨魚汁做湯底。由於太黑，所以除左舊豬肉我完全分唔到裹面仲有咩其他餸。味道方面，湯底濃稠，但食完之後完全唔口渴，而麵條都好有咬口，感覺好真才實料。不過豬肉既味道就感覺無咩特別。我自己覺得唔洗加麵底都好夠食，不過大家如果想食多D既都可以加麵底既 (雖然我個人覺得泥度加麵底好貴)。