上品火鍋料理 (Closed)

第一次黎到呢間店食，一入到去發現成個環境佈置都幾舒服，服務態度好好，店員好主動咁親自帶埋入座之後仲會問洗唔洗推薦有d咩好食。張枱都幾大下，座位與座位之間都比較寬鬆，坐得都幾舒服。食物方面，湯底既選擇比平時去開既店多，我地試左個鴛鴦鍋，其中四川麻辣鍋真係有驚喜到。另外，佢俾我地揀既料既種類有好多，例如海鮮拼盤有一條活海魚丶四隻蝦丶兩隻聖子丶四隻珍珠蠔丶四隻花甲丶一隻蟹，全部都非常新鮮，就算平時唔係好鐘意食海鮮既人都會覺得唔錯。我地仲嗌左個上品牛肉拼盤，d牛肉整體上黎講都幾正，肉汁鮮嫩。以後會再黎幫襯。