Video
Read full review
2016-10-23
579 views
今日想去個靜靜哋嘅地方食飯，最後揀咗 KS cafe，地點好易搵，cafe裝修行簡約風，有兩部電視可以俾你撈飯，坐得都ok舒服。今次叫咗個 set dinner，同幾個小食同大家分享吓。Set dinner:前菜: 麵包 + 炸蟹餅連沙律麵包口感似 pizza, 個底有少少硬，上層就好軟熟。個面有蔬菜，咸咸哋，幾好食。炸蟹餅外層好脆，入面夠creamy,但蟹味就唔會太濃。沙律d菜好fresh，平時好少食菜嘅我都食多兩啖。餐湯:薯仔湯好creamy，味道好香薯仔味。主菜:香煎牛柳伴大虎蝦呢樣係成餐飯最好食的一個菜。牛柳叫咗5成熟，牛柳煎得啱啱好，食落唔會覺得好靭。大虎蝦蝦味好香，夠爽口。就連配菜都好好食，粟米仔好鮮甜，但紅蘿蔔仔就偏咸咗少少。餐飲：Organic Spring Jasmine 見侍應推介，就試吓，又真係唔錯喎。好清，好好飲，好香茉莉花味。牛油果海蝦釀燒烤菇：賣相幾靚，烤菇個size都好大隻，口感夠juicy，海蝦亦好爽，但整體感覺總係好似差少少嘢咁。純粹個人意見，如果牛油果可以切薄d，喺個面加塊芝士再燒，應該會好好食。三文魚凱撒沙律:呢個沙律，朋友不停讚，佢話未食過一個沙
今次叫咗個 set dinner，同幾個小食同大家分享吓。
Set dinner:
前菜: 麵包 + 炸蟹餅連沙律
麵包口感似 pizza, 個底有少少硬，上層就好軟熟。個面有蔬菜，咸咸哋，幾好食。
炸蟹餅外層好脆，入面夠creamy,但蟹味就唔會太濃。沙律d菜好fresh，平時好少食菜嘅我都食多兩啖。
餐湯:薯仔湯
好creamy，味道好香薯仔味。
主菜:香煎牛柳伴大虎蝦
呢樣係成餐飯最好食的一個菜。牛柳叫咗5成熟，牛柳煎得啱啱好，食落唔會覺得好靭。大虎蝦蝦味好香，夠爽口。就連配菜都好好食，粟米仔好鮮甜，但紅蘿蔔仔就偏咸咗少少。
餐飲：Organic Spring Jasmine
見侍應推介，就試吓，又真係唔錯喎。好清，好好飲，好香茉莉花味。
牛油果海蝦釀燒烤菇：
賣相幾靚，烤菇個size都好大隻，口感夠juicy，海蝦亦好爽，但整體感覺總係好似差少少嘢咁。純粹個人意見，如果牛油果可以切薄d，喺個面加塊芝士再燒，應該會好好食。
三文魚凱撒沙律:
呢個沙律，朋友不停讚，佢話未食過一個沙律係令佢不停去食晒佢為止。三文魚整到成朵花咁，d菜真係好新鮮，煙肉脆脆又多，口感真係唔錯，值得推薦。
煙肉野菌蛋卡邦尼長通粉：
本身好鍾意卡邦尼嘅我，見到即叫呢個長通粉試下。卡邦尼味好香，加上流心蛋應該無得輸。但感覺長通粉偏厚身，口感又硬咗少少，令我無衝動再食。如果可以，卡邦尼配意粉，效果一定俾長通粉好。
香脆一口豬腩肉：
呢個有d失望，照字面睇一口豬腩肉應該一啖可以食到，但食物嚟到，我哋都覺得太大件了，而且層皮太厚身又太硬，其實有d難咬。而豬腩肉本身就有d乾，食落有渣。我哋食咗兩件就放棄了。
著重服務質素嘅我，一定要讚吓呢間cafe嘅服務，真係令你有賓至如歸的感覺。就算有部分食物口感未如理想，殷勤的服務已cover晒果種不足。
唔知果位係唔係老闆，見我同朋友有食剩野，專登問我哋食物係咪唔啱食。呢個動作好好，會主動關心客人之如，又可以提升cafe食物質素。我都好老實同佢講咗個問題係咩，希望我下次嚟食，會有改善。就服務而言，我俾你100分，亦係我下次會再去 KC cafe的原因。
Post
