相馬日式火鍋 (Closed)

第一次食放題係多嘢食都無從入手，好彩餐廳都有安排食物嘅順序俾我哋，否則的話真係唔知叫咩好。首先，餐廳會上咗大閘蟹先，大閘蟹質素都好好，每一隻都係好多膏的，我哋每人都大概食咗六至七隻左右。然之後就係食一次性蒸海鮮，海鮮嘅份量餐廳已經安排好咗，包括有蝦，蜆等每一款海鮮都係大大隻而且都好新鮮。再者，就係可以打邊爐！打邊爐嘅配料都有好多選擇，包括有10多款海鮮，豚肉，雞肉，牛肉，蔬菜等等。牛肉方面就叫做牛肩胛，肥肉的部份相對冇咁多，牛味就正常。海鮮就冇叫了食完一次性蒸海鮮已經足夠了。另外，仲有炸物串燒任叫，我哋都叫咗大部份的東西來試過，每一樣都是好熱的應該係即叫即炸！整體來講呢一個放題真係超級多食物，選擇真係多到不得了，值得一試！