Video
Read full review
2019-07-19
514 views
呢間美式漢堡品牌係香港已經開業左一段時間，係金鐘同中環都有一間分店。由於我好怕排長龍同人逼，決定係熱潮過哂先黎食。平日晚上八點，餐廳入面唔算好多人，大約七、八成滿。男朋友同我每人點左個 Shack Burger。有 d 漢堡包係有分 single 同 double，single 係普通漢堡包，得一塊肉。而 double 就 "加大" 版漢堡包，有兩塊肉。個包唔算好大個，直徑同老麥嗰 d 包差唔多，但係內涵就高質好多。生菜同番茄顏色好靚，食得出係新鮮蔬菜。芝士係溶左落塊肉度，唔似得快餐店咁可以成片拎起。肉有濃郁嘅肉味，味道同口感比廉價雪藏肉好好多。而塊包嘅裡面係用牛油稍為煎過，令成個 burger 感覺更加香口。男朋友怕食唔飽，叫左個 Hot Dog。無論賣相同味道都只係 IKEA 小食店嘅水準，呢個價錢黎講非常唔抵食。我地點左一杯 Chocolate Cookies'n Cream Shake 一齊飲。 好香奶味，口感一流。我地兩個人飲一杯都飲到飽飽地，杯 shake 應該幾肥仔，減肥嘅女仕可能要忍下口。最後仲有個芝士薯條，味道不過不失。最後我地得出一個結論：呢間餐廳果然冇改錯名，最好
平日晚上八點，餐廳入面唔算好多人，大約七、八成滿。
Shack Burger
$50
27 views
0 likes
0 comments
男朋友同我每人點左個 Shack Burger。有 d 漢堡包係有分 single 同 double，single 係普通漢堡包，得一塊肉。而 double 就 "加大" 版漢堡包，有兩塊肉。
個包唔算好大個，直徑同老麥嗰 d 包差唔多，但係內涵就高質好多。生菜同番茄顏色好靚，食得出係新鮮蔬菜。芝士係溶左落塊肉度，唔似得快餐店咁可以成片拎起。肉有濃郁嘅肉味，味道同口感比廉價雪藏肉好好多。而塊包嘅裡面係用牛油稍為煎過，令成個 burger 感覺更加香口。
Hot Dog
$33
109 views
0 likes
0 comments
男朋友怕食唔飽，叫左個 Hot Dog。無論賣相同味道都只係 IKEA 小食店嘅水準，呢個價錢黎講非常唔抵食。
Chocolate Cookies’n Cream shake
$48
46 views
0 likes
0 comments
我地點左一杯 Chocolate Cookies'n Cream Shake 一齊飲。 好香奶味，口感一流。我地兩個人飲一杯都飲到飽飽地，杯 shake 應該幾肥仔，減肥嘅女仕可能要忍下口。
Cheese Fries
$36
21 views
0 likes
0 comments
最後仲有個芝士薯條，味道不過不失。
最後我地得出一個結論：呢間餐廳果然冇改錯名，最好食最值得推介嘅就係杯 Shake 同個 Shack Burger。
Post
