聚手工火鍋 (Closed)

黎過好多次，環境真係好好。同埋雖然呢到個價錢比起其他火鍋店係貴，但係絕對係物超所值。先唔好講啲野食先，呢到個抽風系統真係做得好好，食完成餐個身都唔會話好大陣味。另外洗手間亦設有漱口水同頭髮香味噴霧。 由於黎過幾次，所以都試過幾種湯底：沙嗲、四川麻辣、椰子雞湯、冬蔭功、花膠嚮螺雞湯。而今次去正正就係試花膠嚮螺雞同冬蔭功。啲湯黎到一定一定要先飲左個湯先，真係好足料！花膠嚮螺雞湯個湯底好甜，隻雞又滑。而冬蔭功個味就好正宗！  另外我已經有一個必食list！明太子魚餅真係好滑好滑同好滑！另外呢到嘅響玲同出面唔同嘅係可以即食又唔會話好油，同個酸酸地嘅汁好match！而呢一次去竟然出左新產品 - 冰鎮波士頓龍蝦！一塊龍蝦肉加一塊菠蘿夾住一齊食好正！我地重個殼放埋落冬蔭功個湯到一齊煲令到個湯更鮮甜！呢個時候放啲蜂巢豆腐落去吸收晒啲湯真係正到暈！ 另外松露餃、芋頭豬肉餃、炸芝士年糕、半個拳頭咁大嘅雲吞都列入左我必食list當中。      不過我就唔太建議食四川麻辣鍋，正如我所講由於太足料嘅關係，小辣都已經辣到喊。聽店主講好多大陸人都食唔到。所以如果要叫麻辣鍋就真係要三思喇。 唯一唔滿意嘅係洗手間廁格