canton pot (Closed)

旺角canton pot，服務好貼心，環境坐得舒服，食物質素又好，今次最欣賞係滋補湯底呢！沈香養生湯（$398）材料非常豐富，有用沈香茶粉製成的茶包、藥材、杞子、烏雞、瑤柱、紅棗、桂圓及瘦肉等等，以沈香入饌，充滿香氣，湯底味道仲好有層次，先有香甜味，更後續有回甘味，所以未開始食火鍋料前，已經連續飲左幾碗湯呢！自助醬料（$28/位），我最鍾愛廖孖記腐乳，點肉類好好食；另外自家製的沙爹醬都好惹味。本地新鮮牛勁脊（$159/半份）：味道腍滑。匈牙利綿羊豬肩胛肉（$149/半份）：外面少見到的綿羊豬，肉質鮮甜有肉味，而且每件都好大塊，可以細嚐綿羊豬的味道。響鈴卷（$34/半份）：新鮮即炸的樹記腐皮，放湯幾秒後，更索滿鮮甜的湯底味道。精選餃子拼盤（$84/半份）：松茸野菌福袋、百花雲腿海參釀蟹拑、羊肚菌黑豚肉餃野菌福袋，餡料有滿滿雜菌，充滿咬口。蟹拑打邊爐，有貴氣。皇帝菜（$58）份量比外面大好多，食多啲夠健康。