老虎堂黑糖專売 (Closed)

喺荃灣食完飯，唔算太飽，就決定飲返杯珍珠奶茶。而家荃灣出晒名嘅食街上面咁多選擇，到底飲邊間好呢？咁就決定咗飲間黑糖珍珠奶茶！可能因為閒日夜晚，人流唔算多，亦都冇排隊嘅人龍，所以好快就可以拎到杯嘢飲。諗緊飲咩嘅時候，店員仲好細心咁提醒點揀，邊一杯係用細珍珠、邊一杯係用大珍珠。最後揀咗杯大珍珠嘅黑糖珍珠鮮奶茶（佢地有自己名，我唔記得咗）。飲用前搖勻啲黑糖，超級好飲，但因為冇得揀甜度，略嫌甜咗少少，最尾嗰幾啖仲有啲撈唔勻。