九井水産 (Closed)

店員服務態度非常親切有禮~成個用餐過程好流暢舒服！坐在近露台位置更另一風味。星期一到星期日有唔同既優惠，當天係每人可以叫一個蟹肉蟹膏甲羅燒~食過之後！唔會因為價錢平左就因而份量縮水。蟹膏味相當鮮甜濃郁~蟹肉份量亦非常足夠，店員會幫我地燒埋，唔使自己出手變黑料理......hehe!燒日本蠔都非常唔錯~一般日本蠔都比較上淡味~店員放左醬汁，sake去燒令到更入味！蠔肉燒完都好飽滿~蠔汁甜香好味！！！蟹肉玉子~一份6件份量夠哂足料，玉子內藏蟹肉~玉子香滑有蛋香！好味呢。松露鰻魚炒飯，好多鰻魚肉！醬汁幾惹味~個炒飯唔會感覺好油膩，加埋有松露蟹籽做toping, 令到成件事更豐富串燒牛舌幾煙un有咬口，雖然唔大塊但勝左新鮮熱辣辣，栗米夠哂香燒到金黃微焦，好清新香甜。