Video
Read full review
2018-08-22
184 views
工作忙碌過後，好想好好獎勵吓自己，慰勞自己最好嘅方法就係去豪食一餐，呢晚同朋友約咗去中環食大餐。之後前聽同事講呢度啲蠔做緊買6送1杯白酒優惠，呢晚都仲有優惠。如果星期六嚟叫1打蠔，仲免費送1隻龍蝦。我哋叫咗6隻蠔，送咗1杯白酒，白酒係比較 fruity，飲落比較甜，配生蠔唔錯! 生蠔我哋叫咗3款，分別係American Pearl、Kumamoto同Scottish Rock，店員教我哋淡味開始食到濃味，全部蠔都好新鮮，食到海水味，個人最鍾意Kumamoto，雖然size係最細，但好鮮味爽口，令人回味! 小食要咗 Grilled Italian Sausages，意大利腸烤得好香，食到粒粒豬肉粒，好有咬口，配埋烤汁或鹽食，更能提鮮，好味! 另外，我哋叫咗Crab Cakes，蟹餅外層香脆，裡面有好多蟹肉，伴有粟米沙律，加埋少少檸檬汁，一啲都唔覺得膩。主菜我要咗 Grilled U.S. Black Angus Rib-eye 五成熟，牛扒食落好 juicy，肉味濃郁有牛油香，配上烤汁，令炭烤味更濃。朋友要咗店員推介嘅 Roasted Kurobuta Prok Chop，店員話黑毛豬唔
之後前聽同事講呢度啲蠔做緊買6送1杯白酒優惠，呢晚都仲有優惠。
如果星期六嚟叫1打蠔，仲免費送1隻龍蝦。
我哋叫咗6隻蠔，送咗1杯白酒，白酒係比較 fruity，飲落比較甜，配生蠔唔錯!
生蠔我哋叫咗3款，分別係American Pearl、Kumamoto同Scottish Rock，店員教我哋淡味開始食到濃味，全部蠔都好新鮮，食到海水味，個人最鍾意Kumamoto，雖然size係最細，但好鮮味爽口，令人回味!
小食要咗 Grilled Italian Sausages，意大利腸烤得好香，食到粒粒豬肉粒，好有咬口，配埋烤汁或鹽食，更能提鮮，好味!
另外，我哋叫咗Crab Cakes，蟹餅外層香脆，裡面有好多蟹肉，伴有粟米沙律，加埋少少檸檬汁，一啲都唔覺得膩。
主菜我要咗 Grilled U.S. Black Angus Rib-eye 五成熟，牛扒食落好 juicy，肉味濃郁有牛油香，配上烤汁，令炭烤味更濃。
朋友要咗店員推介嘅 Roasted Kurobuta Prok Chop，店員話黑毛豬唔駛全熟，我哋就依佢建議生熟程度，呢件豬扒真係食完有叮一聲嘅感覺，豬肉呈粉紅色，切開好多肉汁，食落鮮味有脂香，肉質爽彈，一啲都唔嚡，面頭鋪有香草脆脆，令豬肉多一份香味同解膩，就咁食都好香好夠味，真係好正!
呢餐食物水準好高，真係好滿足，餐廳仲有1++韓牛供應，食完仲有coupon送，下次經過會再嚟試吓其他食品。
Post
