民華餐廳 (Closed)

放工做完運動都九點幾，跑完成身汗就要去食下野啦! 民華餐廳算系我既小飯堂，次次都會夜晚黎食佢個常餐! 無他，因為佢地服務態度好，而且乾淨企理，出品又好食!所以先會成為常客。今日食左茄牛通加餐肉炒蛋! 一睇相就知茄湯濃郁! 真系飲茄湯都系一種享受 牛肉唔會好似香口膠咁，夠冧身! 平時lunch要35蚊，但系其他時間就要41! 凍飲再加3蚊，如果lunch黎講其實好平! 值得推介! 而多士跟餐蛋就真系要講一講，民華餐廳既多士都系即烘嫁!!! 所以次次都會暖暖地咁上枱，一咬落去系會聽到脆既聲音! 茶記有咁既質素唔系講笑! 配合埋炒蛋餐肉，食完跑多幾個圈都抵啊!