Homeland (東昌街) (Closed)

同老公都好耐冇拍下拖～於是去咗大埔一間環境優美嘅高級西餐廳。餐廳內裝潢設計都好靚，而且見到menu價錢都比較相宜，基本上百零蚊就已經有一個dinner set💖❤️我地一人一個$148 set 👇精選餐湯 x2 ：餐湯係忌廉蘑菇湯，飲得到濃郁的蘑菇粒粒，應該係新鮮蘑菇直接打成蓉嘅湯，味道不錯，十分足料。主菜：冬陰公赤蝦寬條麵🦐🍝赤蝦非常新鮮入味，好大隻仲超級彈牙～而寬條麵則是煙韌細緻，好有咬牙，而且十分掛汁。冬陰公醬汁濃郁，夠惹味。擺盤都十分美觀，好似一件藝術品🙈墨西哥芝士餡餅（雞肉）🐔🌯🧀原本諗住只會得細細舊🙈🤫點知都有三大舊🤯🤯好抵食～芝士足料好流心☺️🤤望見都食欲大增，仲配上牛油果醬&沙拉醬，食完真係好滿足～小食：自選醬料炸雞翼（6隻）🐔🐓其實食到呢到都已經飽飽地🤤🙈不過又心思思想食多份小食share~一人3隻雞翼都唔過份啦？自選醬料揀咗柚子味，雞翼新鮮炸起，熱辣辣上枱，甜甜嘅柚子蜜令到成件事唔會太油膩～好好食～飲品：嗌咗凍檸茶&凍奶茶，不過其實都可以加錢轉特飲，只係需要半價咋～總括而言，食物質素高，環境優美，價格相宜～適合兩公婆/情侶得閒拍下拖仔去🤤❤️💖。