金雄御車仔麵

Open Now

Now Closed

今日岩岩返完教會就去搵食，係筲箕灣有間可以食到車仔麵既就黎試下啦，真係有驚喜，味道同質素都唔錯，值得一試。首先我點左油麵，三餸分別有包心豬肉丸，滷水豬頸肉，滷水豬大腸，配牛腩汁中辣。份量十足，餸每款都好多，性價比高，而且味道都好好。好耐無食過咁好味既車仔麵。質素都好好，味道更加係正。一試便愛上。重有叫多個炸魚皮，有成碗滿滿的，份量都好多，非常香脆同新鮮，點咪湯食真係好野味，令味道口感更加提升。呢個餐叫咪雀巢雪梨茶，真係非常滿足，飲品夠曬凍，非常止渴。另一個餐係點左雲南米線，兩餸分別係秘製超淋牛筋，滷水豬頸肉。牛筋入口即溶，味道都好香濃。真係唔錯既選擇。麵底又夠彈牙。湯底又好好味，成碗都差唔多飲曬。再叫咪個咖喱小食分別係水魷，八爪魚，咖喱魚蛋。三款小食係配咖喱汁。魚蛋非常彈牙，咖哩味好好，撈咪麵食真係絕配。無得輸。世界級享受。最後叫杯熱可立克，味道岩岩好，唔會太甜，岩曬一班女士們。