樂天經典 (奧海城二期)

Open Now

Now Closed

坐落係澳海城，環境氛圍超優！樂天經典主打星馬菜，我地特登來試試佢間既蝦湯料理！蝦湯大蝦滑河粉118HKD🌟🌟🌟🌟好大一份，我地兩條友已經覺得都食唔曬。蝦湯同想象中不同，更濃更結，河粉浸在湯中好入味，滑嫩既肉片同樣美味，因為分量真係好足，我諗如果蝦湯撈飯應該同樣好味。沙拉排骨147HKD🌟🌟🌟🌟排骨幾乎無骨，入口焦香，雖然有炸過但整體唔算油膩，搭配開胃沙拉醬，送飯一流。蒜香紅海蜇頭78HKD🌟🌟🌟🌟🌟呢個小食係我呢餐最中意既！多數中餐館只得海蜇，好少喺中菜見到有得食海蜇頭㗎～～相當驚喜！海蜇頭超爽口！酸辣口味仲勁開胃。招牌酸柑香茅凍38HKD 🌟🌟🌟🌟🌟呢個甜品真係好特別，香茅甜品係第一次見到，香茅凍非常Q彈凍，味道清新，唧埋啲酸柑汁，酸爽甘甜。