點籽烘焙

Open Now

Now Closed

朋友屋企樓下開左間麵包店，門面裝修幾靚，望落去麵包種類多，櫉窗啲蛋糕好日系，而且個樣都幾靚，呀女同我都係蛋糕達人，最鐘意食蛋糕，見到個提子蛋糕好清新，買左個試下。再買多幾個麵包第二朝做早餐。返到屋企，即刻切個蛋糕試吓，啲忌廉好好味，唔係死甜果隻，又唔太漏，蛋糕好鬆軟，蛋糕入面仲有水果夾住，提子粒粒都好甜，超有水準，我同呀女一人食左兩件，好快已經食左半個。其他嘅麵包都好掂，麵粉食得出係靚粉，香軟而有質感，絶對唔係空氣麵包，料足又好食😋希望呢啲麵包店可以開多幾間，咁我哋就可以有靚色食啦💪🏻💪🏻