升哥點心 (Closed)

今晚元朗收工同同事去到升哥點心食晚飯。好彩好快店員就安排好座位入座。睇完餐牌就點左幾樣食品。香滑布拉腸粉-拉得幾滑身，同埋幾有米糊香味 是日靚燉湯-蟲草花淮山杞子湯，有雞腳，蟲草花，淮山杞子，豬肉煲。料都好足，湯夠清夠甜。籠仔鹹魚肉餅飯-肉餅個肉質都唔錯，肉味夠，鹹魚唔太鹹夠香口。鐵板叉燒包-熱辣辣咁上枱仲有洋蔥在鐵餅。肉質良好，味道不俗。小鮮肉小籠包-肉質鮮味，汁又夠多加上熱辣辣既湯簡直溶入口中。蟲草花棉花雞-有冬菇，蟲草花，魚肚同雞。雞味幾好食冇雪味，魚肚都幾滑。春蛋燒賣-肉質唔錯。