強記乳鴿1983

Open Now

Now Closed

見強記裝修咗咁耐未去過，就決定lunch time試吓。嗰陣時差唔多1:30所以都唔係好多人，一入去就有位啦。環境非常之靚，我都係俾佢嘅裝修吸引咗嚟，因為好難得飲茶可以坐得咁舒服，餐廳裝修得好似西式餐廳，咁樣飲茶都幾有feel。黎到強記梗係一定要試吓佢嘅乳鴿，果然係招牌菜炸得好香好好食，d肉都好Juicy，果然一分錢一分貨，因為價錢都真係唔算平。之後再叫咗個鴨絲炆米、流沙包、同鹹水角。兩個人食咗咁多嘢實在非常之飽仲要打包半個炆米走。下次如果搵多啲人就可以試多啲不同嘅嘢食啦! 有興趣再黎。