Joe Bananas

Open Now

Now Closed

好耐之前當Joe Banana提供緊午市自助餐既時候，我係佢常客，但之後質素變差左，就已經無再食。近期，Joe Banana裝左修同改左menu之後，就決定同朋友黎食個lunch，比多次機會佢。依家lunch改左做lunch set，有沙律或湯，有個main dish，同埋甜品同餐飲。甘樣都係98蚊同埋無加一。我同朋友叫左牛肉意大利飯同牛肉薯菜。 個飯好似有好多豆，個人唔好豆，而又無咩牛肉，覺得一般。朋友就覺得幾好。牛係煮得幾熟，但都算嫩既，唔乾，算有牛味。個配菜就係水煮既，個汁唔太重味，比較清淡。 朋友揀左餐湯，佢話好重豆味。 我就揀左沙律，無咩汁，菜好新鮮，都有幾多塊雞肉。最後有一塊細細件既香蕉蛋糕，蛋糕入面有少少香蕉肉，重香蕉味，好食。呢到個門口好大連住條街，餐廳係門口都有擺台，即係如果坐門口的話，會有人係你身邊行過，唔想的話，就要求坐入d。